FR | EN | INU

 
 

ᐃᖃᓗᐃᑦ

ᒪᐃ 2018−ᒥᑦ, Tower Arctic LTD, ᓯᕗᓕᖅᑎᐅᔪᖅ ᐊᖏᔪᓄᑦ ᐱᓕᕆᐊᓄᑦ ᑲᓇᑕᒥ ᐅᑭᐅᑕᖅᑐᖓᓂ, ᑐᓂᔭᐅᓚᐅᖅᑐᑦ ᓴᓇᓗᑎ ᐊᒻᒪ ᓴᓇᒋᐊᖅᓯᓗᑎ ᐃᒪᕐᒥᑦ ᐱᖁᑎᕐᔪᐊᒥᑦ ᖃᓂᒋᔭᖓᓂ ᑯᔪᓯ ᐃᒪᖓᓂ ᓄᓇᕗᒻᒥ ᐃᖃᓗᓐᓂ. ᑳᓐᑐᕌᖑᔪᖅ ᐃᓗᓕᖃᖅᑐᖅᓴᓇᔭᐅᓂᖓᓄᑦ ᐃᑎᔪᒥᑦ ᑐᓚᑦᑕᕐᕕᑦ ᐊᒻᒪ ᓴᓇᒋᐊᖅᑕᐅᓂᖓ ᒫᓐᓇᐅᔪᒥᑦ ᑐᓚᑦᑕᕐᕕᒃ ᐊᑭᖓᓃᑦᑐᖅ ᐊᒻᒪ ᓄᓇᓕᒻᒥ ᐅᒥᐊᒃᑯᕕᒃ.

ᐱᔾᔪᑎᒋᓪᓗᒍ ᐱᒋᐊᖅᑕᐅᓂᖓ ᓴᓇᔭᐅᓂᖓᓄᑦ ᐸᕐᓇᑕᐅᓯᒪᔪᑦ ᔪᓚᐃ ᕿᑎᐊᓂ 2018, ᐱᓕᕆᐊᖅ ᓱᓕ ᐸᕐᓇᑕᐅᕙᓪᓕᐊᔪᒦᑦᑐᖅ. ᑕᒪᑐᒪᓂ ᐋᖅᑭᔅᓯᓂᐊᖅᑐᑦ ᐊᑐᖅᑕᐅᓂᐊᖅᑐᓕᒫᓂᑦ ᐊᑦᑕᓇᐃᖅᓯᒪᓂᕐᒧᑦ.

ᑐᓴᕋᔅᓴᐃᑦ

ᑐᓴᕋᔅᓴᐃᑦ

ᐱᒋᐊᕐᓂᖓ ᓴᓇᔭᐅᔫᑦ ᐊᒻᒪᓗ ᐃᖃᓇᐃᔭᕐᑎᑦᑎᓂᖅ

ᓴᓇᔭᐅᒋᐊᕐᓂᐊᕐᑐᖅ ᐊᐅᔭᐅᓂᐊᕐᑐᖅ. ᐊᖏᕐᑕᐅᓯᒪᓪᓗᓂ ᒐᕙᒪᒃᑯᑦ ᓄᓇᕗᑦ ᐊᒻᒪᓗ ᓄᓇᓕᐸᐅᔭᖓᑕ ᐃᖃᓗᐃᑦ. ᑕᐅᕗ ᐋᑎᒃ ᐃᖃᓇᐃᔭᕐᑎᖏᑦ ᐊᑐᓕᖁᔭᐅᔪᓂᒃ ᒪᓕᖕᓂᐊᕐᑐᑦ ᐊᖓᔪᖄᒻᒪᕆᐊ ᐋᓐᓂᐊᖃᕐᑕᐃᓕᒪᓂᕐᒧᑦ ᓄᓇᕘᒥ. ᐃᓄᑑᓚᐅᑲᖃᑦᑕᕐᓯᒪᔪᑦ ᐅᓪᓗᓄᑦ 14−ᓄᑦ ᐃᖃᓗᖕᕗᑦ ᑎᑭᖏᓐᓂᖏᓐᓂ. ᐊᒻᒪᓗᑦᑕᐅᖅ, ᑕᐅᕗ ᐋᑎᒃ ᐃᖃᓇᐃᔭᕐᑎᖏᑦ ᒪᓕᖃᑦᑕᕐᑐᑦ ᐊᑐᕆᐊᖃᕐᑐᓂᒃ ᐅᔾᔨᕐᓱᕆᐊᓕᖕᓂᒃ ᓄᕙᖕᓇᕐᔪᐊᖅ ᐱᔾᔪᑎᒋᓪᓗᒍ:

 

  • ᐃᓅᖃᑎᒌᑦ ᐅᖓᓯᒋᖃᑦᑕᐅᑎᓗᑎᒃ 2−ᒦᑕ ᐅᕙᓘᓐᓃᑦ ᒪᑐᐊᕐᓯᒪᓗᑎᒃ ᐅᖓᓯᒌᒍᓐᓇᖏᒃᑯᑎᒃ.

  • ᐃᕆᐸᐃᓐᓇᕆᐊᕐᓗᑎᒃ ᐅᐊᓴᖃᑦᑕᕐᓂᕐᓴᐅᓗᑎᒃ ᐃᖃᓇᐃᔭᕐᕕᖕᒥ ᓯᓂᒃᑕᕐᕕᐅᔪᓂᓗ

  • ᐃᖃᓇᐃᔭᕐᑎᑦ ᖃᐅᔨᓴᕐᑕᐅᖃᑦᑕᕐᓗᑎᒃ ᖃᓄᐃᖏᑦᑎᐊᕐᓂᖏᑦ ᑎᒥᖏᑦ

 

ᐃᖃᓇᐃᔭᕐᑎᑦ ᑎᑭᕋᓯᒋᐊᕐᓂᐊᕐᑐᑦ ᐱᓇᓱᐊᕈᓯᖓ ᓯᕗᓪᓕᕐᐸᖓᓂ ᒪᐃ. ᐃᖃᓇᐃᔭᕐᑎᑦ ᐋᕿᒃᓱᐃᓂᐊᕐᑐᒃ ᓯᓂᒃᑕᕐᕕᐅᔪᒥᒃ, ᓴᓇᕕᐅᔪᒥᒃ ᐊᒻᒪᓗ ᐱᖁᑎᖏᓐᓂᒃ ᐊᒻᒪᓗ ᓴᓇᓯᒋᐊᕐᓂᐊᕐᑐᑦ ᐱᓇᓱᐊᕈᓯᖓᓂ ᓯᕗᓪᓕᕐᐸᖓᓂ ᔪᓂ.

 

ᐱᒋᐊᕐᓯᒪᓕᕐᑎᓪᓗᒋᑦ ᑕᕿᖓᓂ ᓯᕗᓪᓕᕐᐸᖓᓂ, ᑕᐅᕗ ᐋᑎᒃ ᓴᕿᑎᑦᑎᓂᐊᕐᑐᑦ ᐊᒻᒪᓗ ᑕᑯᒃᓴᐅᓂᐊᕐᑐᓂᒃ ᑐᓴᒐᒃᓴᐅᔪᓂᒃ ᖃᓄᐃᓕᕙᓪᓕᐊᓂᖓᓂᒃ ᓴᓇᔭᐅᔪᖅ ᓄᓇᓖᑦ ᑐᓴᐅᒪᑎᑕᐅᓇᓱᒃᓗᑎᒃ.

 

ᐃᖃᓇᐃᔭᕐᑖᕐᑎᑦᑎᑲᑕᖕᓂᐊᕐᑐᑦ ᓴᓇᔪᒪᔪᓂᒃ ᐱᒋᐊᕐᓂᐊᕐᑐᖅ ᔪᓂ.  ᐃᖃᓇᐃᔭᕐᑎᐅᓂᐊᕐᑐᑦ ᓄᓇᓯᐅᑎᕐᔪᐊᓂᒃ ᐊᖁᑎᑦ, ᓴᓗᒻᒪᕐᓴᐃᔩᑦ, ᐊᐅᕿᑎᕆᔩᑦ, ᑭᓯᑐᐃᓐᓇᓕᕆᔩᑦ, ᐃᒫᓐᓃᑦᑐᓂᒃ ᐃᑲᔪᕐᑎᑦ, ᐳᐃᔨᓂᒃ ᖃᐅᔨᓴᕐᑎᑦ, ᐊᓯᖏᓪᓗ. ᐃᖃᓇᐃᔭᖃᑦᑕᕐᓯᒪᔭᑎᑦ ᑭᓱᓕᕆᔨᐅᖃᑦᑕᕐᓂᕕᓂᕐᑎᑦ ᑎᑎᕋᕐᓯᒪᓗᒋᑦ ᑐᓂᓂᐊᕐᐸᑎᑦ ᐅᕗᖓ:

 

 

ᓴᓇᔭᐅᓂᖓᑕ ᐸᕐᓇᐅᑎ ᐊᕋᒍᒧᑦ 2021

ᐃᑎᔪᒥ ᑐᓚᒃᑕᕐᕕᒃ

  • ᑕᕆᐅᕐᒥ ᓴᓇᔭᐅᔪᑦ ᐱᒋᐊᕐᓗᓂ ᔪᓂ ᑎᑭᓪᓗᒍ ᓄᕕᐱᕆ.

  • ᐃᓕᔭᐅᓗᓂ ᐃᔅᓴᒃᕕᖓ ᑭᖑᓪᓕᕐᐸᖑᓗᓂ ᐊᒻᒪᓗ ᐃᑳᕐᕕᒃ

  • ᐃᓕᐅᖃᕐᑕᐅᓗᑎᒃ ᓱᓪᓗᓖᑦ ᐃᔅᓴᒃᕕᒃ ᐊᒻᒪᓗ ᐃᑳᕐᕕᒃ

  • ᓴᐅᔭᐅᓗᓂ ᐃᔅᓴᒃᕕᒃ ᐊᒻᒪᓗ ᐃᑳᕐᕕᒃ

  • ᓴᕕᕋᔭᐃᑦ ᐊᔾᔨᒌᖏᑦᑐᑦ (ᓴᐅᓂᖏᑦ, ᑭᒃᓕᖓᓄᑦ, ᒪᔪᕋᐅᑎᑦ ᐊᓯᖏᓪᓗ)

  • ᓂᐅᕐᑐᖃᑦᑕᕐᓗᑎᒃ ᐊᒻᒪᓗ ᖄᕐᑎᑦᑎᖃᑦᑕᕐᓗᑎᒃ ᐱᒋᐊᕐᓗᓂ ᔪᓚᐃ ᑎᑭᓪᓗᒍ ᓯᑎᐱᕆ.

  • ᓯᖃᓕᑦᑎᕆᓗᑎᒃ ᐊᒻᒪᓗ ᒥᑭᑦᑑᑎᑦ ᐊᕕᒃᑐᕐᑕᐅᓗᑎᒃ ᐱᒋᐊᕐᓗᓂ ᔪᓚᐃ ᑎᑭᓪᓗᒍ ᓯᑎᐱᕆ.

  • ᐅᐊᖕᓇᖓᓂ ᐊᒻᒪᓗ ᓂᒋᐊᓂ ᐃᐱᕐᕕᒃ ᕿᑯᕐᑎᑕᐅᓗᓂ ᔪᓚᐃ.

  • ᑐᓚᒃᑕᕐᕕᖕᒧᑦ ᐃᓯᕆᐊᕐᓂᖓ ᐃᓕᔭᐅᓗᓂ ᐅᑐᐱᕆ ᑎᑭᓪᓗᒍ ᓄᕕᐱᕆ.

  • ᐅᐊᔭᓕᕆᓃᑦ ᓴᓇᔭᐅᓗᑎᒃ ᐅᑐᐱᕆ.

  • ᐅᕐᓱᐊᓗᖕᒧᑦ ᐊᖁᑎᑦ ᐃᓕᔭᐅᓗᑎᒃ ᐱᒋᐊᕐᓗᓂ ᐅᑐᐱᕆ.

ᑕᒧᑐᒪᓂ ᐊᕋᒍᒥ ᓱᓕ ᐃᓕᐅᖃᐃᓂᐊᕐᑐᑦ ᓱᓪᓗᓕᖕᓂᒃ ᐃᖃᖓᓄᑦ ᑐᓚᒃᑕᕐᕕᖕᒥ. ᓄᓇᓯᐅᑎᕐᔪᐊᑦ ᐊᑐᕐᑕᐅᓗᑎᒃ ᐃᓕᐅᖃᑦᑕᐅᓂᐊᕐᑐᑦ ᓱᓪᓗᓖᑦ ᐃᖃᖓᓄᑦ ᒪᓕᒃᓗᒍ ᑎᑎᕋᐅᔭᕐᓯᒪᒧᖅ ᐸᕐᓇᐅᑎ ᑐᓚᒃᑕᕐᕕᖕᒧᑦ. ᐃᒫᓃᑦᑐᓄᑦ ᓂᐱ ᖃᐅᔨᓴᕐᑕᐅᓂᐊᕐᑐᖅ ᒪᓕᒃᓯᒪᒐᓗᐊᕐᒪᖔᑦ ᐱᔪᓐᓇᐅᑎᖓᓂ ᐊᒻᒪᓗ ᐳᐃᔩᑦ ᓴᐳᑎᔭᐅᓯᒪᓇᓱᒃᓗᑎᒃ.

ᑐᓚᒃᑕᕐᕕᑐᖃᕐᒥ ᐃᓂᖓ

ᑐᓚᒃᑕᕐᕕᑐᖃᖅ ᐅᐸᒃᑕᐅᔪᓐᓴᕐᑐᖅ ᐊᑐᕐᓗᒍ dᑐᖑᔪᕐᑐᒥᒃ ᑕᕐᓴᓕᒃ ᑭᒃᓕᖓ. ᐊᑐᕐᑎᑦ ᐃᖏᕋᔾᔪᑎᖏᓐᓂᒃ ᓄᓇᓯᐅᑎᒃᑯᕕᐅᓚᐅᑲᒃᑐᒧᐊᕆᐊᖃᕐᑐᑦ. ᐅᐸᒋᖃᖏᑦᑐᖅ ᓴᓇᕕᐅᔪᖅ.

 

ᐊᐅᐸᑦᑐᒥᒃ ᑕᕐᓴᓕᒃ iᓯᑭᑑᓄᑦ ᐊᑐᕐᑕᐅᔪᓐᓇᕐᑐᖅ ᐊᒧᓯᕕᒃ, ᐊᑐᕐᑕᐅᔪᓐᓴᕆᓪᓗᓂ ᓄᓇᓯᐅᑎᒃᑯᕕᐅᓗᓂ. ᓯᑯᑑᓄᑦ ᐊᒧᓯᕕᒃ ᐅᓕᑦᑕᕐᓂᖓᑕ ᑭᒃᓕᖓᑕ ᐊᑖᓃᒻᒪᑦ ᖃᒥᓯᒪᑐᐃᓐᓇᕆᐊᖃᕐᑐᖅ ᐱᑐᕐᓂᕐᑎᓪᓗᒍ ᖄᒥᓯᒪᑐᐃᓐᓇᕆᐊᖃᕆᓪᓗᓂ ᐅᓕᑦᑕᕐᓂᖓ ᐅᖓᑖᓂᒃᑯᑦ 11.3 ᒦᑕ ᐅᕙᓘᓐᓂᑦ ᒪᓕᕐᑎᓪᓗᒍ ᐊᓂᕆᑎᓪᓗᒍ.

 

ᑕᐅᕗ ᐋᑎᒃ ᐋᕿᐅᒪᐃᓐᓇᕐᑎᑦᑎᓂᐊᕐᑐᑦ ᐊᖁᑎᓕᐊᕆᓯᒪᔪᒥᒃ ᓴᓇᔭᐅᑎᓪᓗᒍ.

Iqaluit_Parking.PNG
ᐃᑎᔪᒥ ᑐᓚᒃᑕᕐᕕᒃ ᐃᓂᖓ

ᖄᕐᑎᑦᑎᖃᑦᑕᕐᓗᑎᒃ ᐱᒋᐊᕐᓗᓂ ᐱᓇᓱᐊᕈᓯᖓᓂ ᕿᑎᐊᒥ ᔪᓚᐃ ᑎᑭᓪᓗᒍ ᓄᖑᐊᓄᑦ ᓯᑎᐱᕆ. ᐊᕋᓂᑐᑦ, ᐊᑦᑕᕐᓇᕐᑕᐃᓕᒪᓂᕐᒧᑦ ᑭᒃᓕᓕᐅᕐᓯᒪᓂᐊᕐᑐᖅ ᐅᖓᓯᖕᓂᖃᕐᓗᓂ 500ᒦᑕ ᖄᕐᑎᕕᐅᔪᒥᑦ. ᐱᓪᓚᕆᐅᔪᖅ ᐃᒃᐱᒋᑦᑎᐊᕐᓗᒍ ᐊᑐᑦᑎᐊᕐᓗᒍᓗ ᐊᑦᑕᕐᓇᕐᑕᐃᓕᒪᓂᕐᒧᑦ ᑭᒃᓕᒋᑎᑕᐅᔪᖅ ᖃᖓᓕᒫᒃᑯᑦ. ᑕᐅᕗ ᐋᑎᒃ ᑐᓴᐅᒪᑎᑦᑎᖃᑦᑕᕐᓂᐊᕐᑐᑦ ᖃᐅᑕᒫᑦ ᖄᕐᑎᑦᑎᓂᐊᓕᐹᖓᑕ (ᖃᕋᓴᐅᔭᒃᑯᑦ ᐅᕗᖓ WWW.TOWERARCTIC.NET, ᐅᐸᒃᑕᕐᕕᖓᓂ ᐊᒻᒪᓗ ᓈᓚᐅᑎᒃᑯᑦ). ᑕᐅᕗ ᐋᑎᒃ ᖃᐅᔨᓴᖃᑦᑕᕐᓂᐊᕐᑐᑦ ᐃᓄᖃᖏᒃᑲᓗᐊᕐᒪᖔᑦ 500ᒦᑕ ᐃᓗᐊᓂ. ᖄᕐᑎᑦᑎᔪᖅ ᓂᓪᓕᕐᑎᑦᑎᖃᑦᑕᕐᓂᐊᕐᑐᖅ 12ᐃᕐᓱᕐᓗᓂ ᖁᖁᐊᕈᑎᒥᒃ ᖃᐅᔨᑎᑦᑎᓗᓂ ᖄᕐᑎᑦᑎᓂᐊᕐᓂᕐᒥᓂᒃ. ᓂᓪᓕᐊᑯᑖᓕᕐᐸᑦ ᖁᖁᐊᕈᑎ ᖃᐅᔨᒪᔾᔪᑕᐅᓗᓂ ᖄᕐᑎᑦᑎᔭᕇᕐᓂᖏᓐᓂᒃ ᐊᑦᑕᕐᓇᕈᓐᓃᕐᓂᖓᓂ.

ᒥᑭᑦᑐᓄᑦ ᐅᒥᐊᓄᑦ ᐅᒥᐊᒃᑯᕕᒃ

ᓄᓇᓕᕆᓂᐅᔪᑦ ᐱᔭᕇᕐᑕᐅᓕᕐᑐᑦ ᐅᒥᐊᒃᑯᕕᖕᒥ, ᐋᕿᐅᒪᑎᑦᑎᓂᖅ ᓴᓇᔭᐅᑲᑕᖕᓂᐊᕐᑐᖅ ᐱᔭᕆᐊᖃᕈᓂ. ᑕᐅᕗ ᐋᑎᒃ ᖃᐅᔨᒪᑎᑦᑎᓂᐊᕐᑐᖅ ᓄᓇᓕᖕᓂ ᓯᕗᓂᐊᓂ ᐃᖏᕋᔾᔪᑎᖏᑦ ᐊᓯᐊᓄᐊᕐᑕᐅᔭᕆᐊᖃᕐᓂᖏᓐᓂᒃ ᓴᓇᓂᐊᓕᕌᖓᑕ.

 

ᐅᔭᕋᖕᓂᒃ ᐅᓯᑲᕐᑕᐅᑎ ᐊᑐᕆᐊᖃᕈᓂ, ᐊᖁᑎᒋᖃᑦᑕᕐᓯᒪᔭᖓ ᐊᑐᕐᑕᐅᓂᐊᕐᑐᖅ ᐊᕋᓂᑐᑦ, ᐊᖁᑕᐅᓂᐊᕐᑐᖅ ᐅᓯᑲᕐᑕᕆᐊᖃᕈᑎᒃ ᐅᑯᐊ:

  • ᐊᑭᓪᓕᖅ ᐊᑐᕆᐊᖅ

  • ᑕᓕᕐᐱᖕᒧᑦ ᓴᖑᒋᐊᕐᓂᖓ ᐊᓚᙳᐊ ᐊᑐᕆᐊᖅ

  • ᑕᓕᕐᐱᖕᒧᑦ ᓴᖑᒋᐊᕐᓂᖓ ᓂᐅᕋᐃᕕᒃ ᐊᑐᕆᐊᖅ ᑐᕋᕐᓗᒍ ᐅᒥᐊᕐᔪᐊᓄᑦ ᓂᐅᕋᐃᕕᒃ ᓯᒃᔭᖓᓄᑦ

  • ᑲᔪᓯᓗᓂ ᓂᐅᕋᐃᕕᒃ ᓯᒃᔭᖓᓂᑦ ᑐᕋᕐᓗᒍ ᒥᑭᑦᑐᓄᑦ ᐅᒥᐊᓄᑦ ᐅᒥᐊᒃᑯᕕᒃ ᐅᓕᑦᑕᕐᓂᖓᑕ ᑭᒃᓕᖓ ᒪᓕᒃᓗᒍ.

  • ᑕᓕᕐᐱᖕᒧᑦ ᓴᖑᒋᐊᕐᓂᖓ ᕿᑭᕐᑕᓂ ᐃᓄᐃᑦ ᐊᖁᑎᖓᓂ ᐅᕐᓱᕐᑖᕐᕕᖕᒥᑦ ᑐᓄᐊᓂ ᓂᐅᕕᕐᕕᐊᓘᑉ

  • ᑕᓕᕐᐱᖕᒧᑦ ᓴᖑᒋᐊᕐᓂᖓ  ᓯᓈ ᐊᑐᕆᐊᖅ ᓴᓇᕕᐅᔪᒧᑦ

 

ᐳᔪᕐ ᐊᖁᑎᒥᑦ, ᓂᐱ ᐊᒻᒪᓗ ᐃᖏᕋᔾᔪᑎᑦ

ᑕᕆᐅᕐᒥ ᐊᑦᑕᕐᓇᕐᑕᐃᓕᒪᓂᖅ ᐅᒥᐊᕐᑐᕐᑐᓄᑦ
  • ᐊᑐᕐᑕᐅᓗᑎᒃ ᐳᒃᑕᖁᑎᒃ ᓇᓗᓇᐃᒃᑯᑎᑦ ᖃᐅᒻᒪᖁᑎᖃᕐᑐᑦ ᖃᐅᔨᒪᔾᔪᑕᐅᓗᑎᒃ ᓴᓇᕕᐅᓂᖓᓂᒃ ᐊᒻᒪᓗ ᐅᔾᔨᕐᓱᐃᓇᕐᓗᑎᑦ.

  • ᐃᑎᔪᒥ ᑐᓚᒃᑕᕐᕕᒃ ᐳᒃᑕᖁᑎᑦ ᓇᓗᓇᐃᒃᑐᑕᑦ ᐲᔭᕐᑕᐅᓂᐊᕐᑐᑦ ᐅᑭᐅᓚᐅᖏᓐᓂᖓᓂ ᐊᒻᒪᓗ ᐃᓕᔭᐅᒃᑲᓐᓂᕐᓗᓂ ᓴᓇᔭᐅᓂᐊᓕᕈᓂ.

  • ᑕᐅᕗ ᐋᑎᒃ ᐅᔾᔨᕐᓱᕐᓂᐊᕐᑐᑦ ᐅᒥᐊᕐᑕᖃᓕᕐᒪᖔᑦ ᓴᓇᖃᑦᑕᕐᓗᑎᒃᓗ ᐊᑦᑕᕐᓇᕐᑕᐃᓕᒪᓗᑎᒃ.

ᐃᑎᔪᒥ ᑐᓚᒃᑕᕐᕕᒃ ᐊᖁᑕᐅᔪᓐᓇᕐᑐᑦ ᓇᓗᓇᐃᕐᓯᒪᓂᖏᑦ

ᐊᑦᑕᕐᓇᕐᑕᐃᓕᒪᓇᓱᒃᓗᓂ ᑭᒃᓕᖃᕐᑎᑕᐅᓂᖓ, ᒪᓕᒃᑕᐅᔭᕆᐊᖃᓪᓚᕆᒃᑐᖅ ᐅᒥᐊᕐᑐᕐᑐᓄᑦ ᐅᖓᓯᒌᔮᒍᖃᑦᑕᕐᓗᑎᒃ ᑕᐅᕗ ᐋᑎᒃ ᓴᓇᔾᔪᑎᖏᓐᓂᒃ ᐱᖁᑎᖏᓐᓂᒃ ᐊᒻᒪᓗ ᓯᓚᑖᒍᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᑭᒃᓕᖓᑕ ᓇᓗᓇᐃᒃᑯᑕᖃᕐᓂᐊᕐᑐᑦ ᐳᒃᑕᖁᑎᒥᒃ. ᐊᖁᑕᐅᔪᓐᓇᕐᑐᑦ ᓇᓗᓇᐃᕐᑕᐅᓯᒪᓂᖏᑦ ᑕᑯᔪᓐᓇᕐᑕᐃᑦ ᑐᖑᔪᕐᑕᐅᓪᓗᓂ ᐊᔾᔨᖑᐊᒥ. ᐊᐅᐸᕐᑐᖅ ᐊᖕᒪᓗᕐᓯᓯᒪᔪᖅ ᐊᑦᑕᕐᓇᕐᑕᐃᓕᒪᓂᕐᒧᑦ ᑭᒃᓕᖓ ᖄᕐᑎᑦᑎᓂᐊᕌᖓᑕ.

Navigation Sea Port Iqaluit.PNG
ᐊᑦᑕᓇᖏᑦᑐᒥᑦ ᐅᒥᐊᑦ ᐅᐸᒐᔅᓴᐅᓂᖏᑦ ᒥᑭᔪᓄᑦ ᐅᒥᐊᓄᑦ ᐅᒥᐊᒃᑯᕕᒻᒥ

ᓴᓇᔪᖃᔾᔨᐊᖏᑦᑐᖅ ᐊᕋᒍᖓᓂ 2021 ᒥᑭᑦᑐᓄᑦ ᐅᒥᐊᓄᑦ ᐅᒥᐊᒃᑯᕕᖕᒥ. ᒪᓕᒌᒃᑯᑎ ᐊᒻᒪᓗ ᐃᖃᖓᓂᒃ ᐲᔭᐃᓂᖏᑦ ᐱᔭᕇᓚᐅᕐᑐᑦ 2020, ᐅᒥᐊᕐᑐᕐᑐᓄᑦ ᐊᒃᕕᐊᕈᑎᑕᖃᔾᔨᐊᖏᑦᑐᖅ.

small craft harbour access.PNG

ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ−19, ᑕᐅᕗ ᐋᑦᑎᒃ ᑎᒥᖓᑦ ᐃᓄᓐᓂᑦ ᑲᑎᒪᑎᑦᑎᒍᓐᓇᖏᑦᑐᑦ. ᐅᑯᐊ ᑕᑯᒃᑭᑦ ᑎᑎᕋᖅᓯᒪᔪᑦ, Facebook ᐊᒻᒪ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕈᑎᓄᑦ 2021 ᓴᓇᓐᓇᐅᑎᓪᓗᒍ.